भक्तपुर । भक्तपुर नगरपालिका-३ स्थित नासमनामा एक बृद्धाको हत्या भएको छ ।
९४ वर्षीया विष्णुकुमारी त्वायनाको आफ्नै घरमा खुट्टा डोरीले बाँढेर मुखमा कपडा केचेर हत्या गरेको अवस्थामा प्रहरीले आज राति फेला पारेको हो ।
हिजो बिहान तरकारी किनेर घर गएकी विष्णुकुमारी आज दिनभरि पनि घरबाहिर ननिस्केपछि साँझ आफन्तले घरमा हेर्न जाँदा मृत अवस्थामा फेला पारेपछि प्रहरीलााई खबर गरेका थिए ।
बृद्धा महिला घरमा एक्लै भएको मौका छोपेर चोरी गर्ने उद्देश्यले हत्या भएको हुन सक्ने स्थानीयको अनुमान छ । यद्यपि, प्रहरीले हत्या सम्बन्धी अनुसन्धान अघि बढाएको जनाएको छ । महानगरीय प्रहरी परिसर भक्तपुरका प्रमुख एसपी माधवप्रसाद बुढाथोकीका अनुसार घटना के-कसरी भयो भन्ने विषयमा अनुसन्धान भइरहेको छ ।
घटनास्थल भक्तपुर दरवार क्षेत्रस्थित प्रहरी बिटको ३ सय मिटर दक्षिणमा पर्छ । मृतक विष्णुकुमारीको शवलाई पोशमार्टमका लागि दुवाकोटस्थित केएमसी अस्पताल लगिएको छ ।
