बर्दिया । बर्दियास्थित नेपाल-भारत सीमामा एक नेपालीमाथि गोली प्रहार भएको छ ।
गुलरिया नगरपालिका वडा नम्बर ८ का बलराम लोध गोली प्रहारबाट गम्भीर घाइते भएको प्रहरीले जनाएको छ । हिजो साँझ खेतमा काम गरिरहेका लोधमाथि ढाडमा गोली लागेको प्रहरीको भनाइ छ ।
घटनाबारे अनुसन्धान भइरहेको सशस्त्र प्रहरीका एसपी चित्राङ्गत थापाले बताउनुभयो । घाइते लोधले भने भारतीय वन रक्षकले आफूमाथि गोली प्रहार गरेको बताएको प्रहरीको भनाइ छ । घाइते लोधको उपचार शिक्षण अस्पताल कोहलपुरमा भइरहेको छ ।
