जनकपुर । दशैंको अवसरमा जनकपुरधामका राजदेवी मन्दिरसहित विभिन्न मन्दिरहरु झकिझकाउ भएसँगै बजारमा चहलपहल बढेको छ ।
सुस्त देखिएको जनकपुरधामको आर्थिक गतिविधि दशैंको उत्सवसँगै चलायमान देखिएको हो । राजदेवी लगायतका मन्दिरहमा युवा क्लवहरुले गरेको भव्य सजावट, पूजापाठ तथा विभिन्न सांगीतिक कार्यक्रमले जनकपुरधाम गुलजार बनेको छ ।
हरेक वर्षजस्तै यस वर्ष पनि जनकपुरधाममा दशैँको सस्तो बजार लगाइएको छ । सुपथ मूल्यमा सामान खरिद गर्न पाउने भएपछि सस्तो बजारमा उपभोक्ताको भीड छ ।
