मोरङ । कोशी प्रदेश सभाको सातौं बजेट अधिवेशन आजदेखि सुरु हुँदैछ । यो अधिवेशनमा सरकारको नीति तथा कार्यक्रम र बजेटले प्राथमिकता पाउने छन् ।
प्रदेश सभाका विषयगत समितिमा छलफलमा रहेका तीन वटा विधेयक एवं सरकारले दिएका अन्य बिजनेसलाई सभाले किनारा लगाउने छ ।
प्रदेश सभाका विषयगत समितिमा प्रदेश खानेपानी सम्बन्धी व्यवस्था गर्न बनेको विधेयक २०८१, प्रदेश वन तथा वातावरण सम्बन्धी व्यवस्था गर्न बनेको विधेयक २०८१ र प्रदेश आम सम्बन्धी व्यवस्था गर्न बनेको विधेयक २०८१ छलफलमा छन् । सभाको आजको बैठकमा प्रदेश सभामा प्रतिनिधित्व गर्ने राजनीतिक दलको तर्फबाट सभामा धारण राख्ने कार्यसूची छ ।
त्यसैगरी आजको पहिलो बैठकमा केही प्रदेश ऐनलाई संशोधन गर्न बनेको अध्यादेश २०८२ सभामा टेबल हुने र प्रदेश प्रमुखको कार्यालयबाट प्राप्त पत्रहरू वाचन हुने कार्यसूची तय भएको छ ।
