संखुवासभा । श्रम संस्कृति पार्टीका अध्यक्ष हर्क साम्पाङले आगामी निर्वाचनमा आफ्नो नेतृत्वमा नयाँ राजनीतिक शक्ति उदाउने दाबी गर्नुभएकाे छ।
शनिबार संखुवासभाको खाँदबारीमा आयोजित संगठन विस्तार तथा जागरण सभालाई सम्बोधन गर्दै उहाँले देशले विगतका वर्षमा देखाएको राजनीतिक अस्थिरता, भ्रष्टाचार र असफलताबाट जनताले विकल्प खोज्न थालेको बताउनुभयाे । उहाँले श्रम संस्कृति पार्टी त्यसको विश्वसनीय विकल्प बन्ने दाबी समेत गर्नुभयाे ।
उहाँले आगामी निर्वाचनमा शतप्रतिशत नम्बर ल्याएर श्रम संस्कृति पार्टी उतीर्ण हुने पनि बताउनुभयाे । उहाँले आफू प्रत्यक्ष कायकारी प्रधानमन्त्रीको पक्षमा रहेको पनि बताउनुभयाे । 'भ्रष्टाचार गर्दिन र गर्न पनि दिन्न, उहाँले भन्नुभयाे, हाम्रो सरकार सुसासन र पारदर्शीको बन्नेछ। मितव्ययी सरकार बन्नेछ, भ्रष्टाचारी, देशद्रोही र विदेशी दलाललाई स्वीकार्ने छैनौँ।'
पार्टीले उत्पादन, निर्माण, सामाजिक रूपान्तरण र आर्थिक रूपान्तरणका लागि गाउँ-गाउँमा खटेर काम गर्ने उहाँको भनाइ थियो । उत्पादन बढाउन नसक्दा प्रायः नेपाली बेरोजगार हुनुपरेको छ, उहाँले भन्नुभयाे, ‘जुन काम आजसम्म भएन ।'
