काठमाडौं । निर्वाचन आयोगले नागरिक उन्मुक्ति पार्टीको अध्यक्ष रञ्जिता श्रेष्ठ नै रहने निर्णय गरेको छ ।
उन्मुक्ति पार्टीका नेताहरूले रञ्जितालाई हटाउँदै लालवीर चौधरीलाई अध्यक्ष तोकेका थिए । अध्यक्षको दाबी गर्दै चौधरीले अध्यावधिक गर्न आयोगमा निवेदन दिनुभएको थियो ।
तर आयोगले प्रक्रिया नमिलेको भन्दै रञ्जितालाई नै अध्यक्षको मान्यता दिएको हो । नागरिक उन्मुक्ति पार्टीको साउन १४ र १५ गतेको राष्ट्रिय भेलाले रञ्जितालाई बर्खास्त गर्ने निर्णय गरेको थियो ।