काठमाडौं । नेकपा (माओवादी केन्द्र)का अध्यक्ष पुष्पकमल दाहालले संविधानको मर्मअनुसार ऐन बन्न नसकेको बताउनुभएको छ ।
बिहीबार काठमाडौंमा आयोजित एक कार्यक्रमलाई सम्बोधन गर्दै उहाँले यस्तो बताउनुभएको हो । उहाँले ढिलो छिटो औपवनिवेशीकरणको अन्त्य गर्ने, राज्य स्वाधिनता, र लोकतन्त्रको हितअनुसारको शिक्षा नीति बन्ने दाबी गर्नुभयो ।
उहाँले संविधानको मर्मअनुसार ऐन बनाउन काम नै पूरा नभएकाले अहिले पनि शिक्षामा थुप्रै औपनिवेशिक कुराहरू रहेको जिकिर गर्नुभयो । उहाँले जनयुद्ध, जनआन्दोलनमा भएको त्याग र तपस्याको मर्मअनुसार प्रयास गर्दा-गर्दै पनि अहिलेसम्म पनि त्यसअनुसारको शिक्षा नीति बन्न नसकेको बताउनु भयो ।
अध्यक्ष दाहालले राज्यले सम्पूर्ण शिक्षालाई नै निःशुल्क गर्नुपर्ने बताउनु भयो ।
