काठमाडौं । नेपाली कांग्रेसका महामन्त्री गगन थापाले पार्टीभित्र उकुसमुकुसको अवस्था रहेको बताउनुभएको छ । काठमाडौंमा आज आयोजित पुस्तक लोकार्पण कार्यक्रममा थापाले कांग्रेसभित्र अहिले उकुसमुकुस, गुनासो, असन्तुष्टि र छटपटाहट रहेको बताउनुभएको हो ।
कांग्रेस अहिले संघ, प्रदेश र स्थानीय तहको सरकारमा रहेको र अब बन्ने प्रधानमन्त्री पनि कांग्रेसकै रहने, गभर्नर पनि कांग्रेसकै बन्ने परिस्थिति हुँदा समेत कांग्रेसीजनमा खुशी नरहेको उहाँको भनाइ थियो ।
महामन्त्री थापाले नेपाली कांग्रेस नेपालको राष्ट्रिय शक्ति भएको र पार्टीभित्र गनगन गर्ने र भाग्ने ठाउँ नरहेको पनि बताउनुभयो ।
