गोरखा । पूर्वप्रधानमन्त्री बाबुराम भट्टराईले दलीय भागबन्डाकै कारण सत्य निरूपण र बेपत्ता आयोगको काम अघि बढ्न नसकेको आरोप लगाउनुभएको छ ।
गोरखा सदरमुकाममा आज भएको पत्रकार भेटघाटमा पूर्वप्रधानमन्त्री भट्टराईले शक्ति केन्द्रहरूलाई देखाएर दलहरूले लाभ लिन खोजेको आरोपसमेत लगाउनुभयो । उहाँले सत्तासीन तथा विपक्षी दलहरूको स्वार्थ नबाँझिए सत्यनिरुपण तथा बेपत्ता आयोगको काम तत्काल अघि बढ्ने बताउनुभयो ।
द्वन्द्व प्रभावितका समस्या निरुपणका लागि तत्काल सत्य निरुपण तथा बेपत्ता आयोगको काम सम्पन्न गर्न दलहरू गम्भीर बन्नुपर्नेमा उहाँको जोड छ ।
