काठमाडौं । नेपाली कांग्रेसको संसदीय दल कार्यसमिति तथा सरकारमा सहभागी मन्त्रीहरूको संयुक्त बैठक सुरू भएको छ । पार्टी सभापति शेरबहादुर देउवाको निजी निवास बूढानीलकण्ठमा बैठक सुरू भएको हो ।
बैठकमा सभापति देउवाले संघीय सरकारमा सहभागी १० जना मन्त्री र दुई जना राज्यमन्त्रीहरूको कामको ब्रिफिङ लिने बताइएको छ । देउवाले उहाँहरूको अहिलेसम्मको कामकाज, कार्यमूलक योजना र पार्टीसँगको समन्वय लगायतका विषयमा छलफल गर्नुहुनेछ ।
सरकारका काम परिणाममुखी बनाउन कांग्रेसले गत भदौदेखि मन्त्रीहरूसँग संवाद थालनी गरेको थियो । महिनामा एक वा दुई पटक यस्ता छलफल गर्ने कार्यलाई कांग्रेसले निरन्तरता दिँदै आएको छ ।
