काठमाडौं । सिभिल इन्जिनियरिङ विद्यार्थी समाज नेपालले इन्जिनियरिङ प्रदर्शनी ‘आधार २०८१’ आयोजना गर्ने भएको छ । माघ ४, ५ र ६ गते पुल्चोकस्थित इन्जिनियरिङ क्याम्पस परिसरमा प्रदर्शनी आयोजना हुँदै छ ।
इन्जिनियरिङ क्षेत्रका नयाँ प्राविधिक रचनाहरू प्रदर्शन गर्न र सर्वसाधारणलाई प्रविधिप्रति रुचि जगाउन प्रदर्शनी आयोजना गर्न लागिएको हो ।
प्रदर्शनीको प्रचारस्वरूप समाजले वाकाथन कार्यक्रम समेत सम्पन्न गरिसकेको छ । गत पुस २९ गते आयोजित वाकाथन पुल्चोक क्याम्पसबाट सुरू भई कुपन्डोल, थापाथली, त्रिपुरेश्वर, सुन्धारा हुँदै वसन्तपुर पुगेर समापन भएको थियो ।
