काठमाडौं । प्रमुख प्रतिपक्षी नेकपा माओवादी केन्द्रका अध्यक्ष पुष्पकमल दाहालले आत्मसमीक्षासहित जनताको घरघरमा पुग्न नेता कार्यकर्तालाई निर्देशन दिनु भएको छ ।
माओवादी केन्द्रद्वारा स्थानीय तहको उपनिर्वाचनमा कीर्तिपुर नगरपालिकाका लागि उम्मेदवार घोषणा सभा गर्ने कार्यक्रममा माओवादी अध्यक्ष दाहालले उपनिर्वाचन परिणाममुखी बनाउन नेता कार्यकर्तालाई निर्देशन दिनुभएको हो ।
विगतमा माओवादीबाट केही कमीकमजोरी भएपनि सत्तामा बसेर देश र जनताको पक्षमा राम्रो काम गरेको दाहालले दाबी गर्नुभयो ।
कार्यक्रममा उहाँले माओवादीले सत्तामा बसेर सकारात्मक काम गरेको जनताले बुझेको दाबी गर्नुभयो ।
