विराटनगर । सभामुख देवराज घिमिरेले संविधान संशोधनको कुरा उठिरहँदा संघीयता कार्यान्वयन गर्ने कानुनको अभाव रहेको टिप्पणी गर्नुभएको छ ।
प्राथमिकता दिँदा दिँदै पनि संसद्को बर्खे अधिवेशनमा कानुन बनाउन नसकिएको उहाँको भनाइ छ ।
विराटनगरमा आज सञ्चारकर्मीसँग कुरा गर्दै उहाँले निजामती सेवा विधेयकलाई ऐन बनाउन नसकिएको, त्यसैगरी प्रहरी संगठन सञ्चालन सम्बन्धी ऐन, कानुन बनाउन नसक्दा संविधान संसोधन कार्यान्वयनमा समस्या रहेको बताउनुभयो ।
संविधान संशोधन गर्ने प्रक्रिया के हुने, केके विषयमा गर्ने जस्ता विषयमा वृहत्तर समझदारीको जरुरी रहने पनि उहाँले प्रष्ट पार्नुभयो ।
