काठमाडौं । पूर्वराष्ट्रपति विद्यादेवी भण्डारीले कम्युनिष्ट पार्टीमाथि भइरहेका प्रहारको प्रतिकार गर्नुपर्ने बताउनु भएको छ ।
मदन भण्डारी फाउण्डेसनको रजत जयन्तीका अवसरमा आज आयोजित कार्यक्रममा बोल्दै भण्डारीले कम्युनिष्ट पार्टीमाथि भइरहेको प्रहारको प्रतिकार गर्नुपर्ने बताउनु भएको हो । उहाँले देशका प्रमुख पदमा रहेर अर्थतन्त्र मजबुत बनाउन एमालेलाई आग्रह गर्नुभयो ।
नेकपा एमालेका वरिष्ठ उपाध्यक्ष तथा कार्यवाहक अध्यक्ष ईश्वर पोखरेलले दलहरुबीच सहमति भएपछि मात्रै संविधान संसोधन हुने बताउनुभयो । उहाँले निर्वाचन प्रणालीसमेत पुनरावलोकन गर्नु्पर्ने धारणा राख्नुभयो ।
कार्यक्रममा मदन भण्डारी फाउण्डेसनले गायक रामकृष्ण दुवाललाई मदन भण्डारी रुपान्तरण राष्ट्रिय पुरस्कार २०८१ द्वारा सम्मान गरिएको थियो ।
