काठमाडौं । नेकपा माओवादी केन्द्रका अध्यक्ष पुष्पकमल दाहालले माओवादी आन्दोलनकारी शक्तिलाई एकताको प्रक्रियामा आउन पुनः आह्वान गर्नुभएको छ ।
माओवादी केन्द्रको मुख्यालय पेरिसडाँडामा आज सहिद प्रतिष्ठान नेपालको १५ औँ वार्षिक साधारणसभामा बोल्दै अध्यक्ष दाहालले सबै माओवादी शक्तिहरू एक ठाउँमा उभिनुको विकल्प नभएको बताउनुभएको हो । माओवादी घटकहरु जतिसक्दो चाँडो एकताबद्ध भए मात्र आफूहरुको अभियान पूरा गर्न सकिने उहाँको भनाइ थियो ।
अध्यक्ष दाहालल ठूलो प्रयासपछि संक्रमणकालीन न्यायसँग सम्बन्धित विधेयक संसद्मा पारित भइ राष्ट्रपतिबाट प्रमाणीकरणसमेत भइसकेकाले अब आयोगहरुमा उपयुक्त व्यक्ति छनोटका लागि दबाब दिन आवश्यक रहेको बताउनुभयो ।
