काठमाडौं । नारदमुनी थुलुङ स्मृती गोल्डकप फुटबल प्रतियोगिताको दशौं संस्करण आगामी असोज १७ गतेदेखी हुने भएको छ ।
आज पत्रकार सम्मेलन गर्दै प्रतियोगिताको मिति घोषणा गरिएको हो । गोल्डकपमा झापा ११ झापा, चित्लाङ एफसी काठमाडौं, सहलेस फुटबल क्लब सिरहा, बागमती स्पोर्टस क्लब सर्लाही, संकटा एफसी काठमाडौं, बिराट स्पोर्टिङ एकेडेमी मोरङ, न्यू त्रियुगा स्पोर्ट क्लब सप्तरी र आयोजक बसाहा फुटबल क्लब गरी आठ टिमको सहभागी हुनेछ।
चौदण्डीगढी नगरपालिका-४ बसाहामा हुने खेलको फाइनल असोज २३ गते हुनेछ । विजेताले ५ लाख र उपविजेताले २ लाख ५० हजार पुरस्कार पाउनेछन् ।
