FilePhoto
काठमाडौं । नेकपा माओवादी केन्द्रका अध्यक्ष एवं पूर्वप्रधानमन्त्री पुष्पकमल दाहालले बेथिति र विचलनबिरुद्ध आवाज उठाउन खोज्दा सरकार छोड्नुपरेको दोहोर्याउनु भएको छ ।
झापाको बिर्तामोडमा आज गिरीवन्धु टी स्टेटको हदबन्दी सम्बन्धीको ५१ विघा जग्गाका स्थानीयवासीको ज्ञापनपत्र बुझ्दै अध्यक्ष दाहालले बेथितिविरुद्द आवाज उठाउँदा आफूले सरकार छाड्नुपरेको बताउनुभयो ।
गिरीबन्धु टी-स्टेटको हदबन्दी प्रयोजनका लागि गणना गर्नु भनेर सर्वोच्च अदालतले आदेश दिएको ५१ विघा जग्गाका स्थानीयवासीलाई न्याय दिलाउन आफ्नो सक्दो पहल गर्ने पनि उहाँले बताउनु भयो ।
सोही ५१ विघा जग्गामा भारतीय दुतावासको लगानीमा बनेको टेकबहादुर गिरी बसपार्कमा उक्त जग्गाको कित्ताकाट तथा किनबेच रोकिएको विषयमा स्थानीयवासीले पूर्वप्रधानमन्त्री दाहाललाई ज्ञापन पत्र बुझाएका थिए ।