काठमाडौं । नेकपा माओवादी केन्द्रका अध्यक्ष पुष्पकमल दाहालले संविधानविपरीत अभिव्यक्ति दिने छुट कसैलाई नभएको बताउनुभएको छ ।
पार्टी केन्द्रीय कार्यालय पेरिसडाँडामा सहिदहरु शेरमान कुँवर र मोहनचन्द्र गौतमको स्मृतिमा आयोजित कार्यक्रममा अध्यक्ष दाहालले संविधानविपरित अभिव्यक्ति दिन छुट कसैलाई नभएको बताउनुभएको हो । उहाँले माओवादीले गरेको सशस्त्र संघर्षलाई संविधानले स्वीकार गरेको र संविधानको व्याख्यात्मक टिप्पणीमा जनयुद्ध नै लेखिएको भन्दै त्यसविरुद्द जाने अधिकार कसैलाई नभएको बताउनुभएको हो । उहाँले सत्तामा रहेकाहरुले अहिले हिंसा भनेकोमा उहाँले आपत्ति जनाउनुभयो ।
अध्यक्ष दाहालले संक्रमणकालीन न्यायसँग सम्वन्धित कानुन पारित हुनु सकारात्मक भएको पनि बताउनुभयो । यस्तै राम्रा कामका विषयमा पनि केही बोल्ने जाँगर नदेखाउँदा कतै पार्टीभित्र रोग त लागेको होइन भन्दै भन्दै उहाँले असन्तुष्टी जनाउनुभयो ।
