पोखरा । सञ्चार तथा सूचना प्रविधिमन्त्री पृथ्वी सुब्बा गुरुङले वर्तमान सरकारलाई असफल हुने छुट नभएको बताउनुभएको छ ।
पत्रकार महासंघ कास्कीले आज पोखरामा गरेको पत्रकार सम्मेलनमा मन्त्री गुरुङले यसअघि तेस्रो दलसँग मिलेर सरकार बनाउँदा असफल बनेको जिकिर गर्दै राजनीतिक स्थायित्व दिन पहिलो र दोस्रो दल मिलेर बनेको सरकारलाई असफल हुने छुट नरहेको बताउनुभएको हो ।
सरकारका प्रवक्तासमेत रहनुभएका मन्त्री गुरुङले दुई तिहाइको सरकारले अर्थतन्त्र सुधार, रोजगार सिर्जना, सुशासन र विकास निर्माणको दायित्व बोकेकाले असफल हुने छुट नरहेको दोहोर्याउनुभयो ।
उहाँले सरकारले अबको एक महिनामा नतिजा देखिनेगरी काम गर्नुपर्ने पनि बताउनुभयो ।
