काठमाडौं । नेपाली कांग्रेसका महामन्त्री तथा सांसद विश्वप्रकाश शर्माले लोकेसन पत्ता लागिसक्यो भनेको जीबी राईलाई भगाउनलाई भनेको हो कि पक्राउ गर्न भन्दै प्रश्न गर्नुभएको छ । आइतबारको प्रतिनिधिसभा बैठकमा आकस्मिक समयमा बोल्दै उहाँले यस्तो प्रश्न गर्नुभएको हो ।
'लोकेसन पत्ता लागिसक्यो भनेको जीबी राईलाई के भगाउनलाई हो माइकबाट फुकेर लोकेसन पत्ता लाग्यो रे भनेर स्टन्डबाजी गर्ने,' उहाँले प्रश्न गर्नुभयो, 'कि सरकार चाँडै नै जीबी राईलाई हाजिर गराउँदै छ ?'
उहाँले गोरखा मिडियाका दुई मालिकमध्ये एक फरार रहेको र एक गृहमन्त्री रहेको भन्दै गृहमन्त्रीलाई समेत उहाँले व्यंग्य गर्नुभएको छ । उहाँले सरकारी ठगीमा फरार रहेको व्यावसायीक साथीलाई सहकारी ठगीमै अनुसन्धानको दायरामा रहेका गृहमन्त्रीले गर्नुपर्ने भएकाले लोकेसन पत्ता लागेको भनेर माइकबाट फुक्नुको अर्थ के हुन्छ ? भन्दै उहाँले प्रश्न गर्नुभएको छ ।
