बझाङ । प्रदेशसभा सदस्य चयनका लागि बझाङमा हुने उपनिर्वाचनामा १२ दलले उम्मेदवारी दर्ता गराएको मुख्य निर्वाचन अधिकृतको कार्यालयले जनाएको छ ।
सुदूरपश्चिम प्रदेशका तत्कालीन आन्तरिक मामिलामन्त्री एवं बझाङ प्रदेश सभा (१) बाट निर्वाचित पृथ्वीबहादुर सिंहको सवारी दुर्घटनामा निधन भएपछि त्यहाँ उपनिर्वाचन गर्न लागिएको हो ।
नेपाली कांग्रेसले दिवंगत सिंहका छोरा अभिषेकलाई उम्मेदवार बनाएको छ । त्यहाँ सत्ता गठबन्धन दलहरुले छुट्टाछुट्टै उम्मेदवारी दर्ता गराएका छन् । एमालेका तर्फबाट दमन भण्डारी उम्मेदवार बनेका छन् भने गठबन्धनकै अर्को दल माओवादी केन्द्रबाट जनक बुढाले उम्मेदवारी दिएका छन् ।
इलाम उपनिर्वाचनमा २० जनाबीच प्रतिस्पर्धा, दलका १२ र स्वतन्त्र ८
नेकपा एकीकृत समाजवादीका दिलबहादुर सिंहको उम्मेदवारी परेको छ ।
यसैगरी राप्रपा, राष्ट्रिय मातृभूमि पार्टी, नेपाली जनता दल, नेपाल मजदुर किसान पार्टी तथा नेसनल रिपब्लिक पार्टीले पनि उम्मेदवारी दर्ता गराएको मुख्य निर्वाचन अधिकृतको कार्यालयका सूचना अधिकारी प्रकाश सिंहले जानकारी दिए ।
यस्तै जनता समाजवादी पार्टी, संघीय लोकतान्त्रिक राष्ट्रिय मञ्च र जनमत पार्टीका तर्फबाट पनि उम्मेदवारी परेको छ । उम्मेदवारहरूको अन्तिम नामावली प्रकाशन आइतबार हुनेछ ।
