काठमाडौं । दूरसञ्चार सेवा प्रदायक कम्पनी एनसेलको सेयर खरिद-बिक्रीबारे छानबिन गर्न गठित समितिले बुझाएको प्रतिवेदन मन्त्रिपरिषद्मा पुगेको छ ।
छानबिन समितिले यही माघ १५ गते बुझाएको प्रतिवेदन अहिले मन्त्रिपरिषद्मा लगिएको हो । संसद्को स्वास्थ्य तथा सूचना प्रविधिमा समितिका सदस्यले प्रतिवेदन उपलब्ध गराउन माग गरेपछि सञ्चार तथा सूचना प्रविधिमन्त्री रेखा शर्माले मन्त्रिपरिषद्मा पुगेको जानकारी गराएकी हुन् ।
उनले समितिले बुझाएको प्रतिवेदन अध्ययन भइरहेको र निर्णय नभएसम्म सार्वजनिक गर्न नमिल्ने जवाफ दिएकी छन् ।
