काठमाडौं । उपप्रधानमन्त्री तथा गृहमन्त्री नारायणकाजी श्रेष्ठले नक्कली भुटानी शरणार्थी बनाउन संलग्न जो भए पनि कारबाहीको दायरामा आउने जनाएका छन् ।
आज (मंगलबार) मन्त्रालयमा आयोजित पत्रकार सम्मेलनमा उनले नक्कली व्यक्तिलाई भुटानी शरणार्थी बनाउन संलग्न कुनै पनि पदको व्यक्तिलाई कारबाहीको दायरामा ल्याइने बताएका हुन् ।
४२९ जना गलत व्यक्तिलाई भुटानी शरणार्थीको सूचीमा राखेको घटनामा संलग्न रहेको आरोपमा पाँचजना पक्राउ परे पनि सरकारी संयन्त्रका कोही पनि समातिएका छैनन् । प्रहरी अनुसन्धानले दोषी देखाएकालाई सजाय हुने उनको दाबी छ ।
