काठमाडौं । नेकपा एमालेले सरकारमा पठाउने चार मन्त्रीको नाम टुंगो लगाएको छ ।
एमालेले टंगो लगाएको नयाँ मन्त्रीहरुमा विमला राई पौड्याल, पदम गिरी, भगवती चौधरी र हरि उप्रेती छन् ।
एमालेले राष्ट्रिय सभाकी सांसद पौड्याललाई परराष्ट्रमन्त्री बनाउने निश्चित भएको हो ।
त्यसबाहेक अन्य सबै प्रतिनिधिसभाका निर्वाचित सांसद हुन् । गिरी, चौधरी र उप्रेतीको मन्त्रालय भने टुंगो लागिसकेको छैन ।
जिम्मेवारीबारे अन्तिम टुंगो लगाउन प्रधानमन्त्री पुष्पकमल दाहाल र एमाले अध्यक्ष केपी ओलीबीच बालुवाटारमा छलफल हुँदै छ ।
सत्ता गठबन्धनमा भएको सहमतिअनुसार एमालेले आठ मन्त्रालय पाएको छ । जसमा चारजना सरकारमा सहभागी भइसकेका छन् ।
विष्णुप्रसाद पौडेलले उपप्रधानमन्त्री एवं अर्थ मन्त्रालयको जिम्मेवारी पाइसकेका छन् । यस्तै, ज्वालाकुमारी साह, दामोदर भण्डारी र राजेन्द्र राई सरकारमा सहभागी भइसकेका छन् । उनीहरुले मन्त्रालयको जिम्मेवारी पाउन भने बाँकी छ ।
