इटहरी । नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय इटहरीले नक्कली नम्बर प्लेट प्रयोग गरी सञ्चालनमा रहेका चारवटा चार पाङ्ग्रे सवारीसाधन नियन्त्रणमा लिएको छ ।
मातहतका इकाइहरूको संयुक्त जाँचका क्रममा नियन्त्रणमा लिइएका ती सवारीसाधन ट्राफिक प्रहरीले शुक्रबार पत्रकार सम्मेलनमार्फत सार्वजनिक गरेको हो । विषेश सूचनाको आधारमा गरिएको सवारी जाँचका क्रममा आवश्यक कागजात नभएका तथा आफुखुसी नक्कली नम्बर प्लेट प्रयोग गरी कानुनविपरीत सञ्चालन भइरहेका सवारीसाधन नियन्त्रणमा लिइएको हो ।
ती सवारीको आरसी बुकमा उल्लेखित इन्जिन र चेसिस नम्बर फरक रहेको पाइएपछि थप अनुसन्धान तथा आवश्यक कानुनी कारबाहीका लागि भन्सार कार्यालय, कोशी ब्यारेज सुनसरीमा बुझाइएको प्रहरीले जानकारी दिएको छ । सुनसरी प्रहरीले यसअघि पनि नक्कली नम्बर प्लेटका एक दर्जन सवारीसाधन नियन्त्रण लिएर भन्सारमा बुझाएको थियो ।
.png&w=400&height=300)
