सिन्धुली । बीपी राजमार्गअन्तर्गत सिन्धुलीको कमलामाई नगरपालिका-४ हिरापानीमा बुधबार बस र स्कुटर एकआपसमा ठक्कर खाँदा स्कुटर चालकको मृत्यु भएको छ ।
मृत्यु हुनेमा गोलन्जोर गाउँपालिका-२ बितिजोर घर भई हाल कमलामाई नगरपालिका-६ धुरासिरान बस्ने वर्ष ३५ को चन्द्र श्रेष्ठ रहेका छन् । काठमाडौंबाट सिन्धुलीको मरिण जाँदै गरेको बा ४ ख ३८९४ नम्बरको बस घाँस काट्नका लागि चियाबारीतर्फ गइरहेको ज १० प ९२३ नम्बरको स्कुटर एकापसमा ठोक्किएका थिए ।
बस चालक हरिहरपुरगढी-५ का राजकुमार माझी र बसलाई प्रहरीले नियन्त्रणमा लिएर आवश्यक कारबाही अगाडि बढाएको छ ।
.png&w=350&height=150)
