झापा । कमजोर कानुनको फाइदा उठाउँदै नेपालमा वन्यजन्तुको अवैध चोरी सिकारीमा तस्करहरू सक्रिय हुने गरेको वातावरण कानुनका ज्ञाताहरूले औंल्याएका छन् ।
वातावरण कानुन समाजले झापाको विर्तामोडमा गरेको कार्यक्रममा सहभागी वक्ताहरूले वन्यजन्तुको सिकार गरी तिनका अंगहरूको तस्करी गर्ने प्रवृत्तिले नेपालका थुप्रै वन्यजन्तु लोप हुने अवस्थामा पुगेको बताए । नेपालमा २०२९ सालमा बनेको कानुन अहिलेसम्म परिमार्जन नहुँदा चोरीसिकारीले प्रश्रय पाएको ज्ञाताहरूको ठहर छ ।
नेपालबाट हात्तीको दाह्रा, रौं, बाघको छाला, शालक, रेडपान्डा, गैडाको खाग, कस्तुरीको विणालगायत दर्जनौं जीवजन्तुका अंगहरूको अवैध चोरी तस्करी हुने गरेको वातावरण कानुन समाजले जनाएको छ ।
