लुम्बिनी । बुद्ध जन्मस्थल लुम्बिनीस्थित अखण्ड शान्ति दीपमा एकसय जना विद्यार्थीलाई साइकल वितरण गरिएको छ ।
भियतनामको समुन्द्री उपभोग्य वस्तु उत्पादन र निर्यात गर्ने कम्पनी विन्ह होआङ भान्दुक कम्पनी र सोन थोङ विहार भियतनामद्वारा गरीब, विपन्न र जेहेन्दार विद्यार्थीलाई साइकल वितरण गरिएको हो ।
रूपन्देहीको लुम्बिनी सांस्कृतिक नगरपालिका र कपिलवस्तुको शुद्धोदन गाउँपालिकाका-१० आधारभूत विद्यालयका ७० छात्रा र ३० छात्रलाई साइकल वितरण गरिएको हो । विद्यालयसम्म सहज पहुँच बढाइ पठनपाठनमा सहयोग पुर्याउन ७ देखि ११ कक्षाका विद्यार्थीलाई साइकल वितरण गरिएको हो ।
