विराटनगर । जेन-जी आन्दोलनका क्रममा मोरङका सरकारी तथा निजी कार्यालय आगजनी तथा तोडफोड गर्ने ३९ जना पक्राउ परेका छन् ।
ताजिम अन्सारीसहित ३९ जनालाई प्रहरीले पछिल्लो दुई दिनमा पक्राउ परेको मोरङ प्रहरीका प्रमुख कवित कटवालले बताउनुभयो । अन्सारी नेपाली कम्युनिष्ट पार्टीका स्थानीय नेता हुन् । अमनलाल मोदी सामान्य प्रशासन मन्त्री हुँदा उनी स्वकीय सचिव थिए । जेन-जी आन्दोलनका क्रममा विध्वंशात्मक गतिविधि गर्नेहरूको खोजी कार्य जारी रहेको मोरङ प्रहरीले जनाएको छ ।
