गोरखा । गोरखाको १२ किलोमा बस दुर्घटना हुँदा २२ जना घाइते भएका छन ।
गोरखाबाट नारायणगढ जाँदै गरेको ना ४ ख १४१९ नम्बरको बस दुर्घटना परेको हो। स्टार्टमा राखेर चालक ओर्लिएर यात्रु पर्खेको बेला बस सडकबाट केही तल खसेको जिल्ला प्रहरी कार्यालय गोरखाले जनाएको छ। घाइते मध्ये एक जनाको अवस्था गम्भीर र अन्यको सामान्य रहेको छ ।
चार जना घाइतेलाई थप उपचारका लागि चितवन पठाएको र बाँकीको गोरखा अस्पतालमा उपचार भैरहेको छ ।
