काठमाडौं । जेन-जी आन्दोलनमा हतियारसहित सहभागी भएको आरोपमा पक्राउ परेका टीओबी समूहका तेन्जेन दावालाई प्रहरीले छ दिन म्याद थप गरेर अनुसन्धान थालेको छ ।
दावालाई अभद्र व्यवहारमा काठमाडौं जिल्ला अदालतबाट प्रहरीले म्याद थप गरेको हो । जेन-जी आन्दोलनमा पेस्तोलसहित देखिएको भनिएका दावालाई प्रहरीले आइतबार पक्राउ गरेको थियो । दावाले आफू टीओबीको सदस्य भएकोसमेत स्वीकारे पनि पेस्तोलसहित देखिएको फोटो भने पुरानो भएको दाबी गरेको प्रहरीले जनाएको छ ।
प्रहरी परिसर काठमाडौंका प्रवक्ता प्रहरी उपरीक्षक पवन भट्टराईले आन्दोलन भड्काउन टीओबी लेखेको टिसर्ट लगाउने समूहमाथि प्रहरीले निगरानी बढाइरहेको बताउनुभयो ।
