धनकुटा । धनकुटाको मुलघाटमा सञ्चालित सवदाह गृह तमोर नदीको बाढीले क्षतिग्रस्त भएपछि दाहसंस्कारमा समस्या भएको छ ।
असोज १७ र १८ को बाढीले क्षति पुगेपछि डिजेलबाट सञ्चालित सवदाह गृह अहिले बन्द छ । बाढीले सवदाह गृहको आधाभन्दा बढी भाग पुरेको छ भने उक्त परिसरमा रहेको चिम्नी समेत भत्काएको छ । बाढीले प्लान्ट वरिपरिका संरचना पुरिँदा अहिले वैकल्पिक रूपमा दाउराको प्रयोग गरेर अन्त्येष्टि गर्नुपर्ने बाध्यता भएको छ।
सवदाह गृह र मलामीका लागि निर्मित विश्रामस्थलसमेत बाढीले पुरिएको छ। बिग्रिएको संरचनाको मर्मतका लागि समितिले जिल्ला विपद् व्यवस्थापन समितिसमक्ष सहयोगको अनुरोध गरिएको विश्रान्ती मन्दिर व्यवस्थापन समितिका महासचिव जनार्दन घिमिरेले बताउनु भयो ।
