काठमाडौं । नापी कार्यालय, भैरहवामा कार्यरत नापी अधिकृत सुग्रीव यादवविरूद्ध पाँच करोड ७९ लाख रूपैयाँको भ्रष्टाचार मूद्दा दायर भएको छ ।
आम्दानी भन्दा बढी अस्वभाविक सम्पत्ति देखिएपछि अख्तीयार दुरूपयोग अनुसन्धान आयोगले मुद्दा दायर गरेको हो । २०५३ साल असारदेखि २०८१ असारसम्म नौ करोड तीन लाख वैध आय देखिएको तर कुल खर्च भने १४ करोड ८३ लाख ५७ हजार ८८४ रूपैयाँ देखिएको आयोगको ठहर छ ।
जग्गा खरिद, घर निर्माण, शेयर खरिद, सवारी साधन खरिद, कर्जा भुक्तानी, बीमा प्रिमियम भुक्तानी, अध्ययन खर्च, व्यवसाय स्थापना, सुन खरिदलगायतमा यस्तो खर्च देखिएको हो ।
आय भन्दा पाँच करोड ९ लाख बढी खर्च भएको देखिएको छ ।
