बालुवाटार सरकारी जग्गा हिनामिना प्रकरणमा गगन पुरीसहित ९ जना दोषी ठहर

श्रावण २८, २०८२ |कान्तिपुर टीभी संवाददाता
बालुवाटार सरकारी जग्गा हिनामिना प्रकरणमा गगन पुरीसहित ९ जना दोषी ठहर

काठमाडौं । विशेष अदालतले झापाको बालुवाटार सरकारी जग्गा हिनामिना प्रकरणमा माओवादी नेता गगन पुरीसहित ९ जनालाई दोषी ठहर गरेको छ ।

विशेष अदालतका अध्यक्ष टेकनारायण कुँवर, न्यायाधीशद्वय मुरारीबाबु श्रेष्ठ र रितेन्द्र थापाको इजलासले मालपोत र नापीका सात कर्मचारी तथा दुई जग्गाधनीलाई दोषी ठहर गर्दै जरिवाना र कैदको फैसला सुनाएको हो । 

पुरीलाई मुख्य अभियुक्त ठहर गर्दै विशेष अदालतले एक वर्ष कैद र २० लाख ८३ हजार ६ सय ७१ रूपैयाँ जरिवाना ठहर गरेको छ । विशेष अदालतले भ्रष्टाचार निवारण ऐन २०५९ को दफा ८ को १ को उपदफा 'ज' अनुसार मूल प्रतिवादी सरह सजाय हुने फैसला सुनाएको हो । 

त्यस्तै अदालतले नापी कार्यालय झापाका तत्कालीन प्रमुख नापी अधिकृत शशिकान्त झा,सर्वेक्षक सीताराम यादव, विन्देश्वर पञ्जियार, नापी अधिकृत रामदेव मण्डल धानुक, सर्वेक्षक विष्णुदेव यादव, अमिन ललितकुमार मण्डल, नायब सुब्बा रुद्रप्रसाद श्रेष्ठ, सर्वेक्षक रामकुमार दास र सर्वेक्षक गणेशकुमार धिमाललाई पनि दोषी ठहर गरेको छ ।


Image

कान्तिपुर टीभी संवाददाता

Kantipur TV HD, the most popular TV channel in Nepal, brings Nepal to its audiences. Its programmes provide in-depth analyses about the issues of the day and reflect the people’s voice.