काठमाडौंबाट खटिएका लागु औषध नियन्त्रण ब्यूरोका टोलीले मिथिला नगरपालिका वडा नम्बर-२ बाट पप्पु साह र शैलो देवी रामलाई लागु औषधसहित नियन्त्रण लिएको हो ।
प्रहरीको गोली लागेर लागु औषध कारोबारमा संलग्न पप्पु साह घाइते भएका छन् । दायाँ खुट्टामा गोली लागि घाइते भएका साहको धनुषाको रमदैयास्थित जानकी मेडिकल कलेजमा उपचार भइ रहेको छ भने शैलो देवी राम प्रहरीको नियन्त्रणमा रहेको प्रहरी उपरीक्षक नरहरी रेग्मीले जानकारी दिनु भएको छ ।
साह यस अघि पनि लागु औषधको कारोवारमा संलग्न रहेको आरोपमा जेल सजाय काटेर फर्के पछि पुन: लागु औषधकै कारोवारमा लागेको प्रहरीको दाबी छ । आरोपीहरूको साथबाट करिब २ सय २५ ग्राम खैरो हेरोइन बरामद भएको बताइएको छ ।
लागु औषध नियन्त्रण ब्यूरो, काठमाडौँबाट खटिएका इन्स्पेक्टर राकेश यादव र वरिष्ठ सई बालककृष्ण सन्जेल नेतृत्वको टोलीलाई दुवै जनालाई नियन्त्रणमा लिन २ राउन्ड गोली चलाउनु परेको प्रहरीको भनाइ छ ।
