ताप्लेजुङ । पाथीभरामा आज यो सिजनकै धेरै तीर्थयात्री आएका छन् । नौ रथको महाअष्टमीका दिन ७ हजार ५ सय वढी तीर्थयात्री मन्दीर क्षेत्रमा रहेको पाथीभरा क्षेत्र विकास समितिका कार्यकारी निर्देशक प्रजिन हाङवाङले जानकारी दिनुभयो ।
पाथीभराका कर्मचारी राजेन्द्र महतकाअनुसार विहान ३ वजेदेखि लाइन लगाएर पुजा गराउने क्रम चलिरहेको छ । भोलि नवमीका दिन अझ धेरै आउने अपेक्षा गरिएको कार्यकारी निर्देशक हाङवाङ बताउनु हुन्छ ।
तीर्थयात्रीको सहजताका लागि समितिका सबै कर्मचारी पाथीभरा क्षेत्रमा परिचालन गरिएको र आवश्यक सहयोग गरिरहेको हाङवाङले बताउनुभयो ।
क्षेत्र विकास समितिका अध्यक्ष रक्की थेवे बन्द हड्ताल लगायतका कुनैपनि कार्यक्रम नभएकाले पाथीभरा आउने योजना भएकाहरूलाई ढुक्कले आउन अनुरोध गर्नुभएको छ । पाथीभरामा चैत बैशाख तथा असोज र कार्तिकमा अधिक भिड लाग्ने गरेको छ ।
