दोलखा । हेलिकप्टरमार्फत् उद्वार गरिएका दोलखाको गौरीशंकर गाउँपालिका-१ मा घाँस काट्ने क्रममा भीरबाट लडेर गम्भीर घाईते भएकाको उपचारका क्रममा मृत्यु भएको छ ।
मंगलबार दिउँसो घाँस काट्ने क्रममा तिरपु भीरबाट लडेर घाईते भएका जुँगुका ३९ वर्षीय मोहन बहादुर कार्कीको उपचारका क्रममा मृत्यु भएको दोलखाका प्रहरी प्रवक्ता प्रहरी निरिक्षक दाताराम अधिकारीले बताउनुभयो ।
भीरबाट ५ सय मिटर तल खसेको कार्कीको टाउकोमा गम्भीर चोट लागेर अचेत अवस्थामा उद्धारपछि उपचारका लागि काठमाडौंको ट्रमा सेन्टरमा लगिएको थियो । उनको उपचारकै क्रममा मृत्यु भएको दोलखाका प्रहरी प्रवक्ता अधिकारीले बतानुभयो ।
