काठमाडौं । सोमबार देशभरको मौसम मुख्यतया सफा रहने छ ।
आज दिउँसो कोशी प्रदेश, बागमती प्रदेश , गण्डकी र लुम्बिनी प्रदेशको पहाडी भू-भागमा आंशिक बदली रही बाँकी भू-भागमा मौसम सफा रहने छ जल तथा मौसम पूर्वानुमान महाशाखाले जनाएको छ ।
यसैगरि आज राती कोशी प्रदेश, बागमती प्रदेश , गण्डकी र लुम्बिनी भू-भागमा आंशिक बदली रही बाँकी भू-भागमा मौसम मुख्यतया सफा रहने छ ।
बिहानको समयमा देशका तराई तथा उपत्यकाका धेरै स्थानहरूमा हुस्सु / कुहिरोको सम्भावना रहेकोले दैनिक जनजीवन, कृषि, स्वास्थ्य,यातायात तथा हवाई उडानमा असर पर्न सक्ने हुनाले आवश्यक सतर्कता अपनाउनु हुन अनुरोध गरिएको छ ।
