सल्यान । सल्यानमा एकैघरका नाबालिका दिदी-बहिनी मृत अवस्थामा फेला परेका छन् ।
जिल्लाको बनगाड कुपिण्डे नगरपालिका-११ गलगौलमा एकैघरका नाबालिका दिदी-बहिनी घरमै मृत अवस्थामा फेला परेको जिल्ला प्रहरी कार्यलय सल्यानले जनाएको छ ।
बुबा टेकमान राना र आमा पूर्णिमा रानाकी अन्दाजी ३ वर्षकि करिश्मा राना र ६ महिनाकि राकबी राना घरमै मृत भेटिएको जिल्ला प्रहरी कार्यलयका प्रहरी प्रमुख केशर कुमार न्यौपानेले बताउनुभयो । कुनै पनि स्वास्थ्य समस्या नभएका दुई बहिनी मृत अवस्थामा भेटिएपछि प्रहरीले यो घटनालाई शंकास्पद रुपमा हेरेको छ ।
बालिकाका बाबु टेकमान रोजगारीका सिलसिलामा जिल्लाबाहिर रहेका छन् । सोधपुछ गर्दा उनी केही नबोलेको प्रहरी नायब उपरीक्षक न्यौपानेको भनाइ छ । घटनाको प्रकृति हेर्दा शंकास्पद रहेकाले २६ वर्षिय आमा पूर्णिमा रानालाई अनुसन्धानका लागि प्रहरीले नियन्त्रणमा लिएको छ ।
घरमा तीन आमाछोरी मात्रै बस्दै आएका थिए । घटनाको बारेमा थप अनुसन्धानमा भइरहेको प्रहरीको भनाइ छ ।
