धादिङ । धादिङको सलाङघाटमा दुई कार एकआपसमा ठोक्किदा ४ जना घाइते भएका छन् ।
पृथ्वी राजमार्ग अन्तर्गत धादिङको सलाङघाटमा काठमाडौंबाट पोखरा जाँदै गरेको बा ०१ - ०२९ च १३६९ नम्बरको इलेक्ट्रिक कारलाई मुग्लिङबाट काठमाडौं तर्फ आउँदै गरेको बा ०१ - ०३० च ४५०९ नम्बरको अर्को इलेक्ट्रिक कारले ठक्कर दिएको हो ।
दुर्घटनामा दुवै कारमा सवार २/२ जना घाइते भएको इलाका प्रहरी कार्यालय गजुरिले जानकारी दिएको छ । घाइतेहरुको मलेखु अस्पतालमा उपचार हुँदै छ ।
काठमाडौं तर्फ आउँदै गरेको कारको ब्रेक फेल भएर दुर्घटना भएको चालकले बताएको भए पनि दुर्घटनाबारे थप अनुसन्धान भइरहेको प्रहरीले जनाएको छ ।
