दाङ । दाङमा यात्रुवाहक बस र मोटरसाइकल एक आपसमा ठोक्किदा एक जनाको मृत्यु भएको छ । दुर्घटनामा ११ जना घाइते भएका छन् ।
घोराही-तुलसीपुर सडकखण्डको गुर्जेखोला नजिक रा १ ख ८१६ नम्बरको यात्रुबाहक बसले रा ५ प ६६५४ नम्बरको मोटरसाइकललाई ठक्कर दिदाँ मोटरसाइकलमा सवार घोराही १० का ४४ वर्षीय दिलिप केसीको मृत्यु भएको जिल्ला प्रहरी कार्यालय दाङका प्रहरी प्रवक्ता प्रहरी नायव उपरिक्षक इश्वर थापाले जानकारी दिनुभयो ।
दुर्घटनामा बसमा सवार ११ जना घाइते भएका छन् । घाइते ११ जनाको घोराही स्थीत राप्ती स्वास्थ्य विज्ञान प्रतिष्ठानमा उपचार भैरहेको प्रहरी जानकारी दिएको छ ।
बस चालक गोपाल बिकलाई प्रहरीले नियन्त्रणमा लिएर थप अनुसन्धान गरीरहेको छ ।
