जाजरकोट । जाजरकोटमा बसको ठक्करबाट एक जनाको मृत्यु भएको छ ।
जिल्लाको नलगाड नगरपालिका-१ चिउरीका सुरेश महरको मृत्यु भएको जिल्ला प्रहरी कार्यालय जाजरकोटका डिएसपी पुरूषोत्तम प्रसाद पाण्डेले जानकारी दिनुभयो ।
भेरी करिडोर सडकखण्ड अन्तर्गत भेरी नगरपालिका १ रावतगाउँ नजिकै डोल्पाबाट नेपालगंज जाँदै गरेको भे १ ख १३९६ नम्बरको बसले उनलाई ठक्कर दिएको थियो ।
ठक्कर दिए लगत्तै उनलाई जिल्ला अस्पताल जाजरकोटमा उपचारका लागि लगिए लगत्तै मृत घोषणा गरिएको थियो । ठक्कर दिने बस र चालकलाई नियन्त्रणमा लगेर थप अनुसन्धान भइरहेको प्रहरीले बताएको छ ।
