चितवन । चितवनको नारायणगढ-मुग्लिन सडकखण्डमा ट्रक पल्टिदा ४ जना घाइते भएका छन् ।
घाइते मध्ये दुईजनालाई उद्दार गरि उपचारका लागि भरतपुर ल्याइएको छ भने दुई जना अझै ट्रकमै च्यापिएको अवस्थामा रहेको चितवन प्रहरीले जनाएको छ । एकजनाको सकुशल उद्दार गरिएको छ ।
नारायणगढबाट मुग्लिनतर्फ जाँदै गरेको बागमती प्रदेश ०३- ००१ ख ३४९० नम्बरको ट्रक आज बेलुका ६ बजेतिर नौकिलोस्थित सडक किनारमा पल्टिएको थियो ।
दुर्घटनामा घाइते भएका मकवानपुरको हेटौंडा-१८ बस्ने ६५ वर्षका दल बहादुर कोइरालाको मध्यम अवस्थामा चितवन मेडिकल कलेजमा उपचार भइरहेको छ । ट्रकका सहचालकको खुट्टा भाचिएको अवस्थामा एलाइभ हस्पिटल भरतपुरमा उपचार भइरहेको छ ।
