परासी । पश्चिम नवलपरासीमा ट्रकको ठक्करबाट साइकलयात्रुको मृत्यु भएको छ ।
पश्चिम नवलपरासीको सुस्ता गाउँपालिका ,१ बरुवामा गएराती सवारी दुर्घटना हुँदा एक जनाको मृत्यु भएको हो ।
बर्दघाटबाट त्रिबेणी तर्फ जादै गरेको लु २ ख ८९३ नम्बर को ट्रकले साइकललाई ठक्कर दिदा सुस्ता गाउँपालिका , १ बरुवा बस्ने ६५ वर्षीय रामजी नेपालीको मृत्यु भएको प्रहरीले जनाएको छ ।
दुर्घटनामा गम्भीर घाइते भएका नेपालीको सहिद स्मृति सामुदायिक अस्पताल चौपत्तामा मृत्यु भएको प्रहरीले जनाएको छ । ठक्कर दिने ट्रक र ट्रक चालक प्रहरी नियन्त्रणमा रहेको छ ।
