धादिङ । पृथ्वीराजमार्ग अन्तर्गत धादिङको जोगिमारा नजिकै हुग्दी खोलाबाट त्रीशूलीमा ट्रक खसेको छ ।
लु २ ख २५० नम्बरको ट्रक दुर्घटनामा परेको हो । दुर्घटनामा परी १८ वर्षीय चालक आषिश महतो, सह चालक २६ वर्षीय राजु थापा मगर र साहु तनहुको खैरेनी घर भएका ४६ सुरेश गुरुङ घाइते भएका छन् ।
पूर्वि नवलपरासीबाट काठमाडौंतर्फ चामल बोकेर आउँदै गरेको ट्रक आज बिहान पृथ्वी राजमार्गको जोगीमारा स्थित हुग्दी खोला नजिकैबाट त्रिशुली नदीमा खसेको हो ।
ट्रकमा सवार तिन जना घाइते भएका छन् । घाइतेहरुलाई प्रहरीले उद्दार गरी उपचारका लागी स्थानीय अस्पतालमा पठाएको छ ।
ट्रकमा सवार तीन जना मध्य एक जना गम्भीर रहेको जिल्ला प्रहरी कार्यालय धादिङका सुचना अधिकारी प्रल्हाद सिलवालले जानकारी दिनु भएको छ ।
ट्रक पुरै नदीमा डुबेको अवस्थामा रहेको छ । दुर्घटनाको कारण भने खुल्न सकेको छैन ।
