सुनसरी । देवानगञ्ज गाउँपालिका-६ चमनिया पोखरीदेखि वडा नम्बर-७ गौतमपुर नहरसम्म जाने साढे १० किलोमिटर सडकको निर्माण गुणस्तरहीन भएको भन्दै स्थानीयले विरोध गरेका छन् ।
८ इन्च ग्राभेल र ६ इन्च बेस गर्नुपर्नेमा सोअनुसार नगरेको स्थानीयको आरोप छ । भौतिक पूर्वाधार कार्यालयका प्रमुख सुशील श्रेष्ठको नेतृत्वमा गएको टोलीले मापदण्ड पूरा नभएको ठाउँमा गुणस्तर जाँच नगरी ठेक्का सम्झौता अनुसार काम हुनुपर्ने माग गर्ने स्थानीयलाई धम्की दिएको उनीहरूको आरोप छ ।
पूर्वाधार कार्यालयका कर्मचारीले ठेकेदारसँगको मिलेमतोमा गुणस्तरहीन निर्माण गरेको स्थानीयले दाबी गरेका छन् ।
