चितवन । नारायणगढ-मुग्लिन सडकखण्ड अन्तरगत सत्रकिलोमा बस र ईलेक्ट्रीक हायस ठोक्किदा ४ जनाको मृत्यु भएको छ ।
दुर्घटनामा ६ जना घाइते भएका छन् भने दुई जनाको अवस्था गम्भीर रहेको छ । घाइते मध्य दुई जना डिस्चार्ज भइसकेका छन् ।
मुग्लिङबाट नारायणगढतर्फ आउँदै गरेको बा.प्र. ०६-००१ज ०२९८ नं.को ई.भि. हाइस र नारायणगढबाट मुग्लिङ तर्फ जाँदै गरेको बा.प्र. ०३-००१ ख २८१२ नं. को बस आज बिहान ३ बजेको समयमा एक आपसमा ठक्कर खाएका थिए ।
दुर्घटनामा इलेक्ट्रीक हायसमा सवार गोर्खा आरुघाट गा.पा. १ मान्बु बस्ने बर्ष ४०/४२ को राज बहादुर गुरुङको मृत्यु भएको छ अरु दुई जना पुरुष र एक महिलाको सनाखत हुन बाँकी रहेको चितवन प्रहरीले जनाको छ ।
बस चालक मकवानपुर हेटौडा-९ बस्ने बर्ष ४४ को सुर्य बिक्रम बिष्टलाई प्रहरीले नियन्त्रणमा लिएको छ ।
