झापा । झापाको कचनकवलमा धानको २ वटा कुन्यु जलेर नष्ट भएको छ ।
झापाको कचनकवल गाउँपालिका वडा नं २ बकलामारीमा बिहीबार बिहान भएको आगलागीमा २ सय मन धानसहित पराल जलेर नष्ट भएको हो । स्थानीय किसान नारायण सिंह राजवंशीको ३ बिघा खेतमा रहेको दुई वटा धानको कुन्युमा बिहान अचानक आगलागी भएको थियो ।
घटनाको जानकारी पाएलगत्तै प्रहरीको टोली घटनास्थल पुगेको थियो । प्रहरी, भद्रपुर नगरपालिकाको दमकल र स्थानीय बासिन्दाको सहयोगमा आगो नियन्त्रणमा लिइएको थियो ।
धानको मूल्य अन्दाजी तीन लाख रुपैयाँ रहेको प्रहरीको अनुमान छ । आगलागीको कारण बारे खुल्न सकेको छैन । यसबारे अनुसन्धान भइरहेको प्रहरीले जनाएको छ ।
