दाङ । दाङको भालुबाङमा नाबालिकामाथि जबरजस्ती करणीको आरोपमा प्रहरी हिरासतमा रहेका सशस्त्र प्रहरीका सहायक हवल्दार रेवन पचभैया मगर मृत फेला परेका छन् ।
प्यूठान बडडाँडा घर भएका शसस्त्र प्रहरी जवान पचभैया मगर गन्जी र टिसर्टको पासो लगाएर वडा प्रहरी कार्यालय घाेराहीकाे हिरासत शौचालयमा झुन्डिएको अवस्थामा फेला परेको जिल्ला प्रहरी कार्यालय दाङका प्रवक्ता डिएसपी ईश्वर थापाले जानकारी दिनुभयो ।
गत असोज २४ गते भालुबाङ पुल्चोक बजारमा डेरा गरी बस्ने ८ वर्षीय र १४ वर्षीय बालिका पिङ खेल्न गएको अवस्थामा सशस्त्र प्रहरीका सहायक हवल्दार भरत रोकामगर र रेवन पचभैया मगरले जबरजस्ती करणी गरेको पीडित पक्षको जाहेरीका आधारमा अनुसन्धानका लागि सशस्त्र प्रहरीका आरोपित दुई सहायक हवल्दारलाई नेपाल प्रहरीको जिम्मा लगाइएको थियो । आत्महत्या गरेका रेवन पचभैया मगरले हिजो जिल्ला अदालतमा साविति बयान दिएका थिए ।
घटनाको बारेमा थप अनुसन्धान भइरहेको प्रहरीले बताएको छ ।
