धनकुटा । कोशी राजमार्गको भेडेटार सिम्सुवा खण्डको कोलबोटेमा बस दुर्घटना भएको छ । बस दुर्घटनामा २६ जना यात्रु घाइते भएका छन् ।
धरानबाट धनकुटाको पाख्रिबासस्थित सान्ने जाँदै गरेको को १ ख २७५५ नम्बरको बस आज दिउँसो २ बजे सडकबाट ३० फिट तल झरेको छ ।
सडकबाट झरेको बस भीरमाथिको रुखमा अड्किएको छ । घाइते मध्ये केहिको अवस्था गम्भीर रहेको प्रहरीले जनाएको छ ।
घाइतेहरुको उपचारका लागि धरानस्थित बीपी कोइराला स्वास्थ्य विज्ञान प्रतिष्ठान पठाइएको प्रहरीले जनाएको छ ।
